Plantun de Prouvènço

Pèr coumpara dos planto d'encò nostre

Doronicum grandiflorum & Fraxinus excelsior

Doronicum grandiflorum

Asteraceae Compositae

Nom en français : Doronic à grandes fleurs.

Descripcioun :
L'arnica-dóu-Ventour vèn dins lis esboudèu d'auto mountagno sus cauquié. Trachis en mato, e aquelo pòu deveni di proun grosso. Li fueio soun pus o mens pegouso que s'atrovo de péu glandoulous sus li bord e dessubre. Fai de gràndi flour coumpausado, d'un bèu jaune d'or.

Usanço :
Dins lou païs de Ventour, aquesto planto, raro eilamount, coume lou noum lou dis, sougno li macaduro dóu meme biais que lou "vertadié arnica", Arnica montana.

Port : Erbo
Taio : 10 à 40 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Doronicum
Famiho : Asteraceae
Famiho classico : Compositae
Tribu : Senecioneae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 4 à 5 cm
Flourido : printèms - Estiéu

Sòu : Ca
Autour basso e auto : 1600 à 3200 m
Aparado : Noun
Jun à avoust

Liò : Esboudèu - Ribierau
Estànci : Subaupen à Aupen
Couroulougi : Ouroufito-Sud-Ouèst-Éuropenco
Ref. sc. : Doronicum grandiflorum Lam., 1786

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).